’میرے زلزلے والے بیان کو تفریح کا ذریعہ نہ بنائیں‘

’میرے زلزلے والے بیان کو تفریح کا ذریعہ نہ بنائیں‘

فائل فوٹو


اسلام آباد: مشیر اطلاعات فردوس عاشق اعوان نے کہا کہ’میری گفتگو کو سیاق وسباق سے ہٹ کر پیش کرنا افسوسناک ہے‘۔

سماجی رابطوں کی ویب سائٹ ٹوئٹر پر جاری ایک ویڈیو میں انہوں نے کہا ہے کہ ایک تقریب میں سوشل میڈیا کے معاشرے پراثرات کے تناظر میں بات ہو رہی تھی۔

فردوس عاشق اعوام نے کہا کہ دوران تقریب اچانک زلزلہ آیا اور شرکائے محفل پریشان ہوگئے۔

حاضرین محفل کا حوصلہ بڑھانے کے لیے سوشل میڈیا کے تناظرمیں ہی جملےکہے جسے غلط رنگ دے کر عوام کو گمراہ کرنے کی افسوسناک کوشش کی جا رہی ہے۔

انہوں نے کہا کہ’ جومیرا پارلیمنٹ ہاؤس کے بار سویٹ ہوم کے بچوں کیساتھ جڑا بیان ہے وہی حکومتی بیان ہے اس کو ہی چلایا جائے‘۔

یا رہے کہ منگل کی دوپہر جب پاکستان میں 5.8 شدت کا زلزلہ آیا تو ایک تقریب میں خطاب کرتے ہوئے فردوس اعوان نے کہا تھا کہ’جب کوئی تبدیلی آتی ہے تو نیچے بے تابی ہوتی ہے، تو یہ تبدیلی کی نشانی ہے کہ زمین نے بھی کروٹ لی ہے کہ اس کو بھی اتنی جلدی یہ تبدیلی قبول نہیں ہے‘۔

 


متعلقہ خبریں