اسلام آباد: وزیراعظم عمران خان نے کہا کہ ٹیپو سلطان کو ان کی بہادری کی وجہ سے پسند کرتا ہوں۔
سماجی رانطے کی ویب سائٹ پر اپنی ایک ٹویٹ میں انہوں نے کہا کہ آج ٹیپو سلطان کی برسی ہے، ٹیپو سلطان نے غلامی قبول نہیں کی۔
Today 4th May is the death anniversary of Tipu Sultan – a man I admire because he preferred freedom and died fighting for it rather than live a life of enslavement.
— Imran Khan (@ImranKhanPTI) May 4, 2019
وزیراعظم نے کہا کہ ٹیپو سلطان نے آزادی کی خاطر لڑتے ہوئے جان دے دی۔
واضح رہے عمران خان نے آج لاہور میں جے ڈبلیو فور لینڈ کار پلانٹ کی افتتاحی تقریب سے خطاب کرتے ہوئے کہا کہ وہ پاکستان میں الیکٹرک کار کی تیاری کا انتظار کر رہے ہیں۔ اس سے ملک میں فضائی آلودگی میں کمی آئے گی۔
یہ بھی پڑھیں: سارے مشکل کام ہم کریں گے، عمران خان
ان کا کہنا تھا کہ مجھے انتظار ہے کہ کب ہم پاکستان میں الیکٹرک کار تیار کر کے برآمد بھی کریں گے۔
انہوں نے کہا کہ جب ملک میں سرمایہ کاری آتی ہے تو لوگوں کو روزگار اور حکومت کو ٹیکس ملتا ہے۔ ہماری پوری کوشش ہوگی کہ سرمایہ کاروں کیلئے آسانیاں پیدا کریں۔
