اسلام آباد: وزیر اعظم پاکستان نے کہا ہے کہ ’پلانٹ فار پاکستان‘ پروگرام کا آغاز کررہے ہیں اور مافیا سے اراضی واگزار کرا کے جنگلات اور وائلڈ لائف پارکس بنائے جائیں گے۔
وزیراعظم نے اپنے ٹویٹ میں کہا ہے کہ ماحولیاتی تبدیلیوں سے نمٹنے کےلیے اقدامات کررہے ہیں اور یہ اقدامات آئندہ نسلوں کےلیے ہیں تاکہ وہ ماحولیاتی تبدیلی اور آلودگی سے مقابلہ کرسکیں۔
We are launching our #Plant4Pakistan programme & reclaiming mafia encroached land, converting it into forests and wild life parks for our future generations to fight climate change and pollution. pic.twitter.com/yCaaahr2uB
— Imran Khan (@ImranKhanPTI) February 9, 2019
وزیراعظم پاکستان آج ننکانہ صاحب میں ہیڈبلوکی کے مقام پر 2500 ایکڑ اراضی پر مصنوعی جنگل کا افتتاح کر دیا ہے۔ مصنوعی جنگل کے لیے ضلعی حکومت نے 1832 ایکڑ اراضی قبضہ مافیا سے واگزار کروائی تھی۔
مصنوعی جنگل میں 700 ایکڑ پر محیط سفاری پارک، تفریحی مقام، فش فارم، ہنٹنگ پوائنٹ، بوٹ کلب اور ریسٹ ہاوس بھی تعمیر کیا جائے گا۔ جنگل میں ارجن، کیکر، شیشم، نیم، توت، جامن سمیت دیگر ماحول دوست پودے لگائے جائیں گے۔ مختلف سکولوں کے 3000 طلبہ بھی اپنے ہاتھوں سے پودے لگائیں گے۔
