کراچی: ویسٹ انڈیز ویمن کرکٹ ٹیم دبئی سے کراچی پہنچ گئی جہاں اُن کا شاندار استقبال کیا گیا۔
اس حوالے سے ویسٹ انڈیز ٹیم کے آفیشل ٹوئٹر پر ویمن ٹیم کی کپتان کی ویڈیو جاری کی گئی ہے جس میں کپتان نے بتایا کہ وہ اور ان کی ٹیم پاکستان آکر میچز کھیلنے کے لیے پر عظم ہیں اوراچھی کارکردگی ادا کریں گے۔
ہاکستان ٹیم کو سراہتے ہوئے ان کا کہنا تھا کہ پاکستان ٹیم ایک مشکل ٹیم ہے اور ان کے ساتھ سخت مقابلہ متوقع ہے۔
T20I Interim Captain for the Pakistan tour @mraguilleira and her team stand by two watchwords…"Adapt and Overcome!". The @windieswomen are geared up and ready to take on @WomenCricketPak in the 3 T20I match series in Karachi. #LetsGoWindies #PAKWvsWIW ??? pic.twitter.com/IYND29sZd1
— Windies Cricket (@windiescricket) January 30, 2019
ذرائع کے مطابق 15 برس بعد پاکستان آنے والی مہمان ٹیم کا بھرپور استقبال کیا جائے گا جس کے بعد ٹیم سخت ترین سیکوریٹی میں ہوٹل روانہ ہوگی۔
پاکستانی کپتان بسمہ معروف اور ویسٹ انڈیز کی قائد میریسا اگیولیرا ٹرافی کے ساتھ فوٹو سیشن میں حصہ لیں گی اور سیریز کے حوالے سے ہونے والی میڈیا کانفرنس میں بھی شرکت کریں گی۔
واضح رہے کہ سیریز کے تینوں میچز ساؤتھ اینڈ کلب میں شیڈول ہیں۔ سہ پہر 3:15 پر مہمان ٹیم گراونڈ میں ہونے والی پریکٹس سیشن میں حصہ لے گی۔
میچ کا ٹاس صبح ساڑھے دس بجے ہوگا جبکہ اننگ کا آغاز صبح 11 بجے کیا جائے گا جس کے بعد دونوں ٹیموں کی میڈیا ٹاک بھی ہوگی۔
پاکستان کرکٹ بورڈ (پی سی بی) کے ذرائع نے بتایا ہے کہ سیکیورٹی وجوہات کے سبب ٹیم کی آمد کا مقام اور وقت ابھی ظاہر نہیں کیا جا رہا۔
