راولپنڈی: یو اے ای کے بری فورسز کے کمانڈر میجر جنرل صالح محمد صالح نے افواج پاکستان کے سربراہ جنرل قمر جاوید باجوہ سے جی ایچ کیو میں ملاقات کی۔
پاک فوج کے شعبہ تعلقات عامہ کے مطابق، دوران ملاقات یواے ای بری فورسز کے کمانڈر اور آرمی چیف جنرل قمر جاوید باجوہ کے درمیان حطے کی سیکیورٹی صورتحال، دفاعی شعبہ میں دونوں ممالک کے درمیان تعاون، اور سیکیورٹی اور ملٹری ٹریننگ کے امور زیر غور آئے۔
متحدہ امارات کے زمینی افواج کے کمانڈر نے پاک فوج کے دہشت گردی کے خلاف کوششوں کو سراہا۔
اس سے پہلے یو اے ای کے زمینی افواج کے کمانڈر نے جی ایچ کیو پہنچنے پر یادگار شہدا پر حاضری دی ااور یادگار پر پھولوں کی چادر چڑھائی۔
گزشتہ ہفتے پاک فضائیہ کے سربراہ ائیر مارشل مجاہد انوار خان نے یواے ای کا دورہ کیا تھا۔ اپنے دورے کے دوران یواے ای فضائیہ کے میجر جنرل اسٹاف پائلٹ ابراہیم ناصرمحمد العلاوی سے ملاقات کی تھی۔
اس موقع پرایئرچیف یو اے ای میجر جنرل اسٹاف پائلٹ ابراہیم ناصرمحمد العلاوی، کمانڈر یو اے ای ائیر فورس اینڈ ائیر ڈیفنس کا کہنا تھا کہ پاک فضائیہ کی حالیہ عرصے میں جدت اور خود انحصاری کی کاوشیں قابل تعریف ہیں۔