ایچ ای سی نے بیرونِ ملک اعلیٰ تعلیم حاصل کرنے کے خواہشمند طلبہ کے لئے ایک اہم عوامی انتباہ جاری کردیا۔
ایچ ای سی کی جانب سے جاری کردہ ایڈوائزری میں طلبہ اور والدین کو ہدایت کی گئی ہے کہ بیرونِ ملک کسی بھی جامعہ میں داخلہ لینے سے قبل پروگرام کے منظور شدہ طریقہ تعلیم کی مکمل تصدیق کریں، خواہ وہ آن کیمپس، آن لائن یا بلینڈڈ لرننگ ہو۔
ایچ ای سی نے ڈگری تصدیق کے لیے آن لائن نظام متعارف کرادیا
کمیشن نے زور دیا کہ طلبہ اس امر کو یقینی بنائیں کہ متعلقہ پروگرام کا طریقہ تعلیم متعلقہ ملک کے ریگولیٹر یا ایکریڈیٹر سے منظور شدہ ہو اور اگر پروگرام میں جسمانی حاضری یا رہائش کی شرط موجود ہو تو اسے بھی مکمل کیا جائے۔
ایڈوائزری کے مطابق ہر غیر ملکی ڈگری کےمساوی کی درخواست کا انفرادی بنیادوں پر جائزہ لیا جاتا ہے، اس عمل کے دوران جامعہ کی قانونی حیثیت، پروگرام کی منظوری، تعلیم کے طریقہ کار، دورانیے اور دیگر متعلقہ شرائط کا تفصیلی معائنہ کیا جاتا ہے۔
ایچ ای سی نے طلبہ کو مشورہ دیا ہے کہ بیرونِ ملک داخلہ لینے سے پہلے متعلقہ یونیورسٹی اور پروگرام کی منظوری، ایکریڈیٹیشن اور تدریسی طریقہ کار کے بارے میں مکمل معلومات حاصل کریں تاکہ مستقبل میں ڈگری کی مساوی یا شناخت کے حوالے سے کسی مشکل کا سامنا نہ کرنا پڑے۔
ایچ ای سی کا بلوچستان کے ہونہار طلبا کیلئے اسکالرشپش کا اعلان
کمیشن کے مطابق غیر ملکی ڈگریوں کے مساوی کے لئے درخواستیں آن لائن پورٹل کے ذریعے جمع کرائی جا سکتی ہیں اور ہر درخواست کا فیصلہ اس کے انفرادی میرٹ اور مقررہ ضوابط کے مطابق کیا جاتا ہے۔
