پاکستان کی معروف اداکارہ ماہرہ خان کا مداح ملاقات کے دوران جذبات پر قابو نہ پا سکا۔ اور اسٹیج پر ہی زاروقطار رو دیا۔
معروف اداکارہ ماہرہ خان اپنی فلم “نیلوفر” کی پروموش کے لیے فیصل آباد کے ایک پروگرام میں موجود تھیں۔ جہاں اسٹیج پر ماہرہ خان کی موجودگی میں نوجوان کو بلایا گیا تو وہ اسٹیج پر آنے کے بعد اپنے جذبات پر قابو نہ رکھ سکا اور رو دیا۔
نوجوان کے جذباتی ہونے کی ویڈیو سوشل میڈیا پر وائرل ہو گئی۔ نوجوان کو دیکھ کر لگتا ہے کہ وہ ماہرہ خان کا بڑا مداح ہے۔ ماہرہ خان بھی نوجوان کو روتا دیکھ کر حیران رہ گئیں۔
ماہرہ خان کے اپنے مداح کو دیکھ کر چہرے پر خوشی کے آثار نمایاں تھے۔ تاہم انہوں نے جذباتی نوجوان کو حوصلہ دیا۔
View this post on Instagram
اسٹیج پر موجود شخص نے جذباتی نوجوان کو مشورہ دیا کہ “شیر بنو شیر”۔ اور ماہرہ خان نے بھی اس کو حوصلہ دیتے ہوئے کہا کہ میں اور تم مل کر ڈانس کریں گے۔
