یوٹیوب نے جولائی 2024 سے جولائی 2025 کے دوران موسیقی کی صنعت کو 8 ارب ڈالر کی ادائیگیاں کی ہیں، جو کمپنی کے لیے ایک نیا ریکارڈ ہے۔
یوٹیوب کے مطابق یہ رقم اشتہارات اور سبسکرپشنز کے ذریعے حاصل ہونے والی آمدنی کا نتیجہ ہے، جو یوٹیوب کے دوہری ماڈل کی کامیابی کو ظاہر کرتی ہے۔
پاکستان کا پہلا آفیشل ایپل اسٹور 2025 کے آخر تک لاہور میں کھلے گا
یوٹیوب کے گلوبل ہیڈ آف میوزک لیور کوہن نے اس کامیابی کو اشتہارات اور سبسکرپشنز کے دوہری انجن کی کامیابی قرار دیا، ان کے مطابق یہ اعداد و شمار اس بات کا ثبوت ہیں کہ یوٹیوب دنیا بھر کے فنکاروں، گانے لکھنے والوں اور پبلشرز کے لیے ایک طویل مدتی پلیٹ فارم فراہم کرنے کی جانب مسلسل ترقی کر رہا ہے۔
یوٹیوب کے مطابق دنیا بھر میں 125 ملین سے زائد میوزک اور پریمیم سبسکرائبرز ہیں، اور ہر ماہ 2 ارب سے زائد صارفین موسیقی ویڈیوز دیکھتے ہیں، اس کے علاوہ یوٹیوب 100 سے زائد ممالک میں دستیاب ہے اور 80 زبانوں کی حمایت کرتا ہے، جو اسے عالمی سطح پر ایک اہم پلیٹ فارم بناتا ہے۔
یوٹیوب نے ڈیلی ویونگ لمٹ فیچر متعارف کرادیا
ماہرین کے مطابق یوٹیوب کی یہ کامیابی اس کے اشتہارات اور سبسکرپشنز کے دوہری ماڈل کی موثر کارکردگی اور عالمی سطح پر توسیع کو ظاہر کرتی ہے، جس سے فنکاروں اور گانے لکھنے والوں کے لیے نئے مواقع پیدا ہو رہے ہیں۔
