جنوبی افریقہ کے خلاف ون ڈے اور ٹی ٹوئنٹی سیریز کیلئے سلیکشن کمیٹی کی مشاورت کا آغاز ہو گیا ہے۔
ذرائع کے مطابق جنوبی افریقہ کے خلاف ٹی ٹوئنٹی سیریز کے لیے پاکستان کے اسکواڈز کے لیے مشاورت جاری ہے۔
سلیکشن کمیٹی کی جانب سے قومی کرکٹ ٹیم کی حالیہ پرفارمنس کا جائزہ لینا شروع کردیا گیا ہے، ایشیا کپ ٹی ٹوئنٹی کا فائنل کھیلنے والی ٹیم کے کپتان سلمان علی آغا کی انفرادی کارکردگی کا بھی جائزہ لیا جا رہا ہے۔
اسپن وکٹیں دونوں ٹیموں کے لیے چیلنج ہوں گی، ایڈن مارکرم
ذرائع کے مطابق قومی ٹیم میں سابق کپتان بابر اعظم اور محمد رضوان کی ممکنہ واپسی پر بھی غور کیا جا رہا ہے، ہیڈکوچ مائیک ہیسن اور سلیکشن کمیٹی اسکواڈ میں زیادہ تبدیلیوں کے حق میں نہیں ہیں۔
جنوبی افریقہ کیخلاف وائٹ بال سیریز میں ایک یا دو کھلاڑی تبدیل کیے جاسکتے ہیں، ٹیم مینجمنٹ میں شامل ارکان کپتان سلمان علی آغا کو بطور کپتان مزید موقع دینا چاہتے ہیں۔
ٹیم مینجمنٹ کے ذرائع کا کہنا ہے کہ بار بار کپتان بدلنے سے ٹیم کی کارکردگی مزید خراب ہوسکتی ہے، جنوبی افریقہ کے خلاف قومی وائٹ بال اسکواڈ کو حتمی شکل آئندہ ہفتے تک دی جا سکتی ہے۔
آسٹریلیا نے بھارت کے خلاف ٹی ٹوئنٹی اور ون ڈے اسکواڈ کا اعلان کر دیا
جنوبی افریقہ کے خلاف تین ٹی ٹوئنٹی اور تین ون ڈے میچز کی سیریز شیڈول ہے، پاکستان اور جنوبی افریقہ کے درمیان سیریز کا پہلا ٹی ٹوئنٹی میچ 28 اکتوبر کو کھیلا جائے گا۔
