سابق وزیر خارجہ اور پاکستان پیپلز پارٹی کے چیئرمین بلاول بھٹو زرداری کا کہنا ہے کہ پاکستان نے جنگ روکی لیکن امن حاصل نہیں ہوا،پاکستان اور بھارت کے درمیان جنگ خطرناک صورتحال اختیار کرسکتی تھی،ایٹمی جنگ کا بھی خطرہ تھا۔
غیرملکی خبرایجنسی کو انٹرویو دیتے ہوئے انہوں نے کہا کہ بھارت نے ہٹ دھرمی کا مظاہرہ کرتے ہوئے سندھ طاس معاہدے کی خلاف ورزی کی،پاکستان نے دنیا کے سامنے بھارت کو پہلگام واقعے کی تحقیقات میں تعاون کی پیشکش کی،بھارت ابھی تک پہلگام واقعے کا کوئی بھی ثبوت پیش نہیں کرسکا۔
ایران ہمارا ہمسایہ ملک ہے ،ہم ان کے ساتھ ہیں،خواجہ آصف
پاکستان نے بھارت کو تعاون کا کہا اور بھارت نے جارحیت کا مظاہرہ کیا،پاکستان نے بھارت کے 6طیارے مار گرائے،وزیراعظم کی ہدایت پر پاکستانی وفد نے کئی ممالک کا دورہ کیا اور بھارت کو بے نقاب کیا۔
بھارتی وفد کو دنیا بھر میں رسوائی حاصل ہوئی،ہم نے دہشت گردوں کے خلاف جنگ لڑی،میری والدہ کو دہشت گردوں نے شہید کیا،پاکستان دنیا میں سب سے زیادہ دہشت گردی کا شکار بناہے۔
امریکا نے ایران کی ریڈ لائن کراس کی،خرم دستگیر
انہوں نے مزید کہا کہ امریکی صدر نے فیلڈ مارشل سید عاصم منیر کا شکریہ ادا کیا،امریکی صدر نے پاک بھارت جنگ میں پاکستان کے کردار کو سراہا۔
امریکی سیکریٹری خارجہ اور صدرٹرمپ کے مشیر بھی ظہرانے کی تقریب میں شریک تھے،پاکستان اور بھارت کےدرمیان جنگ ختم کرانے میں صدر ٹرمپ نے اہم کردار ادا کیا۔
