یمن کے حوثی باغیوں نے اسرائیل کی حیفا بندرگاہ کی بحری ناکہ بندی کا اعلان کردیا ہے۔
حوثی رہنماؤں کا کہنا ہے کہ یہ اقدام غزہ میں جاری اسرائیلی کارروائیوں کے ردعمل میں اٹھایا گیا ہے، اب حیفا بندرگاہ باقاعدہ طورپران کے اہداف میں شامل ہے۔
غزہ میں خوراک ، ادویات کی شدید قلت ، اسرائیلی بمباری سے یحییٰ سنوار کے بھائی سمیت 144 فلسطینی شہید
حوثیوں نے بحری جہازوں کی مالک بین الاقوامی کمپنیوں کوخبردارکرتے ہوئے کہا ہے کہ وہ اسرائیلی بندرگاہوں کی طرف جہاز بھیجنے سے گریز کریں، بصورت دیگران کے لیے خطرات بڑھ سکتے ہیں۔
یہ اعلان ایسے وقت میں سامنے آیا ہے جب مشرق وسطیٰ میں اسرائیل اورحماس کے درمیان جاری جنگ کے اثرات پورے خطے کو لپیٹ میں لے رہے ہیں اورکشیدگی بین الاقوامی تجارت پربھی اثراندازہورہی ہے۔
