جمعیت علمائے ہند کے سربراہ ارشد مدنی نے کہا ہے کہ دریا ہزاروں سالوں سے بہہ رہے ہیں اور ان دریاؤں کا پانی کہاں لے جاؤ گے؟
ارشد مدنی نے پاکستان کے ساتھ دریاؤں کے پانی سے معاہدے بارے گفتگو کرتے ہوئے مودی کا ہم نوا بننے سے انکار کر دیا۔ میڈیا رپورٹس کے مطابق انہوں نے سندھ طاس معاہدہ معطل کرنے پر شکوک و شبہات کا اظہار کیا۔
بھارت سے دریائے چناب کا پانی روکا نہ جا سکا
اے این آئی کی رپورٹ کے مطابق ارشد مدنی نے کہا کہ اگر کوئی پانی روکنا چاہتا ہے، تو وہ روک لے، یہ دریا ہزاروں سال سے بہہ رہے ہیں، ان کا پانی کہاں لے جائیں گے؟ یہ آسان کام نہیں ہے۔ ان کا کہنا تھا کہ ملک میں محبت کا قانون ہونا چاہیے نہ کہ نفرت کا۔
ان کا کہنا تھا کہ بدقسمتی سے ہمارے ملک کو نفرت کے جس راستہ پر لگا دیا گیا ہے اگر روکا نہ گیا تو مسلمانوں کے لئے ہی نہیں ہر شہری کے لئے یہاں سانس لینا مشکل ہوجائے گا۔
