نادرا نے شناختی کارڈ کے حوالے سے شہریوں کو اہم ہدایات جاری کر دیں

نادرا نے شناختی کارڈ کے حوالے سے شہریوں کو اہم ہدایات جاری کر دیں۔

نیشنل ڈیٹابیس رجسٹریشن اتھارٹی کی جانب سے ہدایت نامہ میں کہا گیا ہے کہ شہری بلا ضرورت شناختی کارڈ فوٹوکاپی نہ کروائیں، شناختی کارڈ بنوانے کیلئے اصل دستاویزات ساتھ لائیں۔

مشترکہ مفادات کونسل میں کینال بنانے کا اعلان ہوا تو حکومت سے الگ ہو جائیں گے،ناصر شاہ

اتھارٹی کی جانب سے کہا گیا ہے کہ بے فارم، رجسٹریشن سرٹیفکیٹ کیلئے فوٹو کاپی لانا ضروری نہیں، بطور ضمانت شناختی کارڈ لینے یا دینے کی قانونی کوئی حیثیت نہیں۔

ہدایت نامے کے مطابق دھوکے باز عناصر مالی فائدے، انعامات وغیرہ کا لالچ دیکر شہریوں کی شناختی معلومات یا انگلیوں کے نشانات حاصل کرلیتے ہیں لہٰذا شہریوں کو احتیاطی تدابیر اختیارکرنا ہوں گی۔