قومی ٹیم کے سابق کپتان شاہد آفریدی نے کہا ہے کہ بھارت کا ثبوت کے بغیر پاکستان کو ذمہ دار ٹھہرانا افسوسناک ہے۔
انہوں نے کہا کہ پاکستان پر مقبوضہ کشمیر واقعہ کا الزام بھارت نے قبل از وقت لگایا، ثبوت کے بغیرپاکستان کو ذمہ دار ٹھہرانا افسوس ناک ہے۔انہوں نے کہا کہ پاکستان کو دہشت گردی کا سامنا ہے۔
ملک کے جنوبی حصوں میں شدید گرمی، مختلف علاقوں میں بارش اور ژالہ باری کی پیشگوئی
آفریدی نے مقبوضہ کشمیر میں انسانی جانوں کے ضیاع اور پاکستان میں بڑھتے دہشت گرد حملوں پر افسوس کا اظہار کیا اور کہا کہ پاکستان اور بھارت کے درمیان سفارتی بات چیت ہی مسائل کا حل ہے۔
ان کا کہنا تھا کہ لڑائی سے کچھ حاصل نہیں ہوگا، کرکٹ کو سیاست کی نذر نہیں ہونا چاہیے۔ یاد رہے کہ پہلگام واقعہ کے بعد پاکستان اور بھارت کے درمیان شدید تناؤ ہے۔
