خیبرپختونخوا میں سرکاری اسکولوں کو پبلک پرائیوٹ پارٹنرشپ کے تحت چلانے کی تیاری مکمل کر لی گئی۔
دستاویز کے مطابق صوبے بھر میں 24 اسکولوں کا فیزبیلٹی سروے مکمل کر لیا گیا، ابتدائی مرحلے میں 24 میں سے 8 پرائمری اسکول پی پی پی موڈ پر شروع کرنے کے لئے موزوں قرار دیے گئے ہیں۔
دستاویز میں کہا گیا ہے کہ ڈی آئی خان، دیر اور لکی مروت میں ایک ایک اسکول کو پی پی پی موڈ پر شروع کیا جائے گا، ایبٹ آباد، ہری پور میں دو دوا سکول پبلک پرائیوٹ پارٹنرشپ کے تحت شروع ہوں گے۔
پنجاب حکومت کا غیر مسلم طلبہ کو اسکالر شپ دینے کا فیصلہ
محکمہ تعلیم کی دستاویزات کے مطابق صوبے میں 47 لاکھ بچے اسکولوں سے باہر ہیں، خیبرپختونخوا میں ایک طالب علم پر ماہانہ 41 ہزار 55 روپے خرچ ہوتے ہیں، مالی بوجھ کم کرنے اور تعلیمی معیار کی بہتری کے لئے پی پی پی موڈ پر جا رہے ہیں۔
محکمہ تعلیم کے حکام کا مزید کہنا ہے کہ پبلک پرائیویٹ پارٹنرشپ کے تحت چلنے والے اسکولوں میں سہولیات کی فراہمی اور گورننس بہترہو گی۔
