وزیراعظم کی امیرِِ قطر اور سلطانِ عمان کو عید کی مبارکباد، دورۂ پاکستان کی دعوت

وزیراعظم

وزیراعظم شہباز شریف کی جانب سے امیرِ قطر شیخ تمیم بن حمد الثانی اور عمان کے سلطان ہثیم بن طارق کو عید الضحیٰ کی مبارکباد دی گئی ہے۔

وزیراعظم ہاؤس سے جاری اعلامیے کے مطابق عید الاضحٰی کے موقع پر شہباز شریف نے امیر قطر اور عمان کے سلطان سے  ٹیلیفونک رابطہ کیا۔ اس دوران عید الاضحیٰ کی مبارک باد دیتے ہوئے نیک خواہشات کا اظہار کیا۔

وزیراعظم شہباز شریف نے عمان کے سلطان اور عوام کی صحت اور خوشحالی کے حوالے سے بھی اپنی نیک خواہشات کا اظہار کیا۔ عمان کے سلطان کی طرف سے بھی شہباز شریف کو عید الاضحیٰ کی مبارکباد دی گئی اور نیک خواہشات کا اظہار کیا گیا۔

بوہری برادری کی آج عید الاضحیٰ ، پاکستان میں کل منائی جائے گی

شہباز شریف سے ٹیلی فونک رابطے میں دونوں رہنماؤں نے امت مسلمہ کے درمیان اتحاد اور امن کے قیام کے لیے دعا کی۔ دونوں رہنماؤں نے پاکستان اور عمان کے درمیان دوستی اور بھائی چارے کے مضبوط رشتے کا اعادہ کیا جو کہ مشترکہ اقدار اور باہمی احترام پر مبنی ہے۔

وزیراعظم اور عمان کے سلطان نے دو طرفہ تعلقات اور مختلف شعبوں میں تعاون کو مزید مضبوط بنانے پر بھی تبادلہ خیال کیا۔ بالخصوص فلسطین کی صورتحال پر بھی بات چیت ہوئی جس میں خطے اور اس سے عالمی امن، استحکام اور خوشحالی کے فروغ کے لیے مل کر کام جاری رکھنے پر اتفاق کیا گیا۔

ٹیلی فونک گفتگو کے دوران شہباز شریف نے عمان کے سلطان کو پاکستان کا دورہ کرنے کی دعوت بھی دی۔


متعلقہ خبریں