امریکا سے شرمناک شکست؟ مصباح الحق نے وجہ بتا دی

مصباح الحق

فائل فوٹو


پاکستانی کرکٹ ٹیم کے سابق کپتان مصباح الحق نے امریکا کے ہاتھوں پاکستان کی شرمناک شکست پر رد عمل دیتے ہوئے کہا ہے کہ ہمیں نہیں لگا کہ میچ کہیں بھی ہمارے کنٹرول میں تھا۔

ٹاک شو میں بات کرتے ہوئے ہوئے سابق کپتان مصباح الحق کا کہنا تھا کہ ٹاس ہوا پھر بیٹنگ شروع ہوئی، کہیں پر ایسا نہیں تھا کہ میچ پاکستان کے ہاتھ میں ہے اور ہم میچ جیت سکتے ہیں، میرے خیال میں اس پر بہت ساری باتیں ہوسکتی ہیں۔

ایک اور اپ سیٹ، افغانستان نے نیوزی لینڈ کو 84 رنز سے شکست دیدی

ان کا کہنا تھا کہ پچھلے 6 سے 7 مہینے میں جو کچھ ہوا ہے، میوزیکل چیئر جو چیئرمین شپ کی چلی، پھر کپتانی کی چلی، پھر بورڈ میں اپنے اپنے عہدوں کی چلی، ہر بندے نے کہا کہ میں لوٹ لوں جو کچھ میرے ہاتھ میں آجائے۔

مصباح الحق کا کہنا تھا کہ وہی بیٹنگ آرڈر کے مسئلے، وہی اسپن بالنگ کے مسائل، پلاننگ کے مسائل، سارے کے سارے جتنے بھی مسائل تھے، وہ سب ہمارے سامنے آئے، مزید کہا کہ آپ کو کنڈیشنز کہہ رہی ہیں کہ آپ کو اسپنر کھلاناہے، مگر آپ نے اسپنر بھی نہیں کھلایا، کوئی پلان نہیں تھا، بالنگ میں کوئی پلاننگ نہیں تھی،امریکا نے ہر چیز میں ہمیں مات دے دی۔


متعلقہ خبریں