صوبائی دارالحکومت لاہور میں دھواں چھوڑنے والی گاڑیاں بند کرنے کا فیصلہ کرلیا گیا۔
محکمہ ماحولیات کے ٹریفک اسکواڈ نے شہرکے مختلف مقامات پر ناکے لگالئے۔ ماحولیات ٹریفک اسکواڈ نے کام شروع کردیا۔محکمہ ماحولیات لاہور کے داخلی و خارجی راستوں پر ٹیمیں ماحول دشمن گاڑیاں پکڑنے لگیں، کیمیائی مادے پھیلانے والی گاڑیوں کےچالان شروع کردیا گیا۔ انجن کی حالت زیادہ خراب ہو تو گاڑی کو بند کردیا جاتا ہے۔
پنجاب حکومت کا لاہور میں الیکٹرک بسیں چلانے کااعلان
ماحول ٹریفک اسکواڈ کے سربراہ علی اعجاز کے مطابق کمرشل گاڑیوں میں دھواں دینے کی شرح زیادہ ہے۔ محکمہ ماحولیات کے مطابق جلد اہم شاہراہوں پردھواں چھوڑنے والی گاڑیوں کے خلاف کریک ڈاون مزید تیز کیا جائے گا۔
