ملک کی بہتری کیلئے جس سے بھی بات کرنا پڑی کریں گے ، عارف علوی

عارف علوی (arif alvi)

سابق صدر ڈاکٹر عارف علوی نے کہا ہے کہ افواہیں ہمیشہ ملک کوغیرمستحکم کرتی ہیں۔ ملک کی بہتری کے لیے بات چیت ہی واحد حل ہے۔ فوج کا ہم ہمیشہ دفاع کرتے ہیں اور کرتے رہیں گے۔

لاہور میں میڈیا سے گفتگو میں عارف علوی نے کہا کہ بانی پی ٹی آئی سے جمعرات کو ملاقات ہوئی تھی، انھوں نے اپنی انا کو قربان کر دیا ہے، ملک کی بہتری کے لیے جس سے بھی بات کرنا پڑی کریں گے۔

ہمارے پاس 9مئی کے ثبوت ہیں، ملوث افراد کی تحقیقات ہونی چاہیے، عارف علوی

انہوں نے مزید کہا کہ میں تو بات کرنا چاہتا ہوں، بات کرنے کی دعوت دیتا رہوں گا، میں کوشش نہیں چھوڑ سکتا، خود دارشہری کے طور پر اپنا کردارادا کرتا رہوں گا۔ قوم اس وقت مشکل دوراہے پر کھڑی ہے، قوم کو جوڑے بغیر معیشت ٹھیک نہیں ہو سکتی.

سابق صدر نے مزید کہا کہ 6 ججز نے جو بات رکھی وہ مناسب ہے، کورٹ کو ہمیشہ اوپن رکھا ہے تاکہ سارے معملات سب کے سامنے ہوں، عدلیہ آزاد ہو گی تو انصاف ملے گا۔

دونوں طرف کے لوگوں کو درگزر کرنا پڑیگا، عوام اور ملک کا سوچیں، عارف علوی

ڈاکٹرعارف علوی نے کہا کہ پاکستان کواس وقت سرمایہ کی ضرورت ہے، سعودی وفد کے دورے سے فائدہ ہو گا۔

 


متعلقہ خبریں