وفاقی وزیر سائنس و ٹیکنالوجی خالد مقبول صدیقی نے اسلام آباد میں نیشنل یونیورسٹی آف ٹیکنالوجی کا دورہ کیا۔
خالد مقبول صدیقی کی آمد پر ریکٹر نیوٹیک لیفٹیننٹ جنرل رمعظم اعجاز، ایچ آئی ایم نے استقبال کیا، رجسٹرار نیوٹیک بریگیڈیئر عدنان قاسم نے انہیں یونیورسٹی کے آپریشنز اور اس کے آنے والے کراچی کیمپس کے بارے میں ایک جامع بریفنگ دی۔ وزیر نے نیشنل یونیورسٹی آف ٹیکنالوجی کی طرف سے اپنی رسائی کو بڑھانے اور معیاری تعلیم کے فروغ میں کی جانے والی کوششوں کو سراہا۔
پاک سعودی تعلقات اورمعاشی شراکت داری مضبوط سے مضبوط ترہو رہی ہے، شہبازشریف
اس کے بعد وزیر نے نیشنل یونیورسٹی آف ٹیکنالوجی لیبز اور اسکلز ڈیپارٹمنٹ کا دورہ کیا، جہاں انہیں طلبا کو دی جانے والی عملی مہارتوں کا مشاہدہ کرنے کا موقع ملا۔ وفاقی وزیر نے آج کی تیزی سے ترقی کرتی ہوئی دنیا میں اس طرح کی عملی تعلیم کی اہمیت کو تسلیم کرتے ہوئے اس بات پر زور دیا کہ اس قسم کی تعلیم وقت کی ضرورت ہے۔
یونیورسٹی کے احاطے میں میڈیا ٹاک کے دوران خالد مقبول صدیقی نے طلبا کو معیاری تعلیم فراہم کرنے کے لیے نیشنل یونیورسٹی آف ٹیکنالوجی کے عزم کی تعریف کی۔
انہوں نے طلبا کو ان کے متعلقہ شعبوں میں مہارت حاصل کرنے کے لیے ضروری مہارتوں اور علم سے آراستہ کرنے میں یونیورسٹی کی کوششوں کو تسلیم کیا۔ طلبا کو مسابقتی عالمی ماحول میں ترقی کی منازل طے کرنے کے لیے عملی تعلیم کی اہمیت پر روشنی ڈالی۔
ایل این جی ریفرنس کی واپسی شاہد خاقان کی بے گناہی کا ثبوت ہے، سعد رفیق
اس دورے کو یادگار بنانے کے لیے ریکٹر نیوٹیک نے وزیر صدیق کو تعریفی اور یادگاری نشان کے طور پر شیلڈ اور سووینئر پیش کیاجو یونیورسٹی اور وزارت سائنس اور ٹیکنالوجی کے درمیان مضبوط رشتے کی علامت ہے۔
