پاکستان نے ایران اسرائیل کشیدگی پر ردعمل دیتے ہوئے کہا ہے کہ پاکستان کو مشرق وسطیٰ کی صورتِ حال پر گہری تشویش ہے۔
ترجمان دفتر خارجہ نے کہا ہے کہ پاکستان صورتِحال کا تشویش کے ساتھ جائزہ لے رہا ہے، پاکستان نے کئی مہینوں سے بین الاقوامی کوششوں کی ضرورت پر زور دیا تھا۔
پاک ایران باہمی رابطہ چینلز بحال، ایرانی صدر کا دورہ پاکستان متوقع، ترجمان دفتر خارجہ
ترجمان نے کہا کہ پاکستان نے کہا تھا خطے میں دشمنی کو روک کر غزہ میں جنگ بندی کی جائے، تازہ واقعات سفارتکاری کی ناکامی کا اظہار ہیں۔
ترجمان دفتر خارجہ نے مزید کہا کہ یہ واقعات سنگین اثرات رکھتے ہیں، یہاں بھی اقوام متحدہ کی سلامتی کونسل بین الاقوامی امن وسلامتی قائم رکھنے میں ناکام ہوئی۔
بشام حملہ پاک چین دوستی کے دشمنوں نے کیا، تحقیقات جاری ہیں، ترجمان دفتر خارجہ
انہوں نے کہا کہ اب صورتِ حال مستحکم کرنے اور امن کی بحالی کی اشد ضرورت ہے، تمام فریقین تحمل سے کام لیں اور کشیدگی کم کرنے کی طرف بڑھیں۔
