بالی ووڈ کے سینئر اداکار رنجیت نے بتایا کہ مادھوری ڈکشٹ نے انکے ساتھ پہلی بار چھیڑ چھاڑ کا سین فلمانے سے انکار کردیا تھا۔
واضح رہے کہ رنجیت 1980 اور 1990 کی دہائی میں فلموں میں ولن کا کردار ادا کرتے نظر آتے تھے۔ رنجیت کے مطابق چھیڑ چھاڑ اور ریپ کے سین پر مادھوری نے رونا شروع کر دیا تھا اور سین فلمبند کروانے سے انکار کردیا تھا۔
انکا کہنا تھا کہ وہ اس صورتحال سے بے خبر تھے، تاہم انہیں اس حوالے سے کچھ آرٹ ڈائریکٹرز نے آگاہ کیا۔ رنجیت نے کہا کہ فلم میں چھیڑ چھاڑ کے سینز انتہائی پروفیشنل انداز میں عکسبند کیے جاتے ہیں۔
رنجیت کے مطابق اس دوران انہوں نے ایک اور شوٹ کروایا جس کے بعد میں نے کریو سے کہا کہ انہیں بلائیں، لیکن کسی نے مجھے نہیں بتایا کہ وہ تو تیار ہی نہیں ہیں۔
سینئر اداکار کا کہنا تھا کہ فلموں میں چھیڑ چھاڑ ہمارے کام کا حصہ ہوتا ہے، ولن خراب نہیں ہوتا۔ میرے ساتھ کام کرنے والی تمام ہیروئنز کام سے کبھی گھبراتی نہیں تھیں۔
