متحدہ قومی موومنٹ پاکستان نے سائنس اینڈ ٹیکنالوجی اور وزارت حج لینے سے انکار کر دیا۔
ذرائع کا کہنا ہے کہ ایم کیو ایم کو سندھ کی گورنر شپ امکان ہے، اس کے علاوہ متحدہ نے 5 وزارتوں کا مطالبہ کیا تھا، مسلم لیگ (ن) نے اسے سائنس اینڈ ٹیکنالوجی اور وزارت حج کی پیشکش کی تاہم ایم کیو ایم نے دونوں وزارتیں لینے سے انکار کیا۔
ن لیگ اور ایم کیو ایم میں آئینی ترمیم کے حوالے سے معاہدہ طے، دستخط ہو گئے
ذرائع کے مطابق (ن) لیگ نے کابینہ کے وزیروں کی تعداد کم رکھنے کا فیصلہ کیا ہے ، وفاقی کابینہ میں وزیروں کی تعداد 20 ہونے پر ایم کیو ایم کو دو وزارتیں ملنے کا امکان ہے۔
انکار کے بعد اب ایم کیوایم کو میری ٹائم کی وزارت مل سکتی ہے لیکن انفارمیشن ٹیکنالوجی کی وزارت ملنے کا کوئی امکان نہیں ، جبکہ سندھ کی گورنرشپ کے حوالے سے ایم کیو ایم میں دو رائے پائی جاتی ہیں۔
