ڈپٹی میئر کراچی کی جانب سے شہر میں موجود تمام قبرستانوں کے باہر پارکنگ فیس وصول کرنے والوں کی گرفتاری کا حکم دے دیا گیا۔
ڈپٹی مئیر کراچی سلمان عبداللہ مراد نے پارکنگ مافیا کے خلاف کارروائی کرتے ہوئے فیس لینے والوں کو گرفتار کرنے کی ہدایت کردی۔ انہوں نے کہا کہ ازخود فیس وصول کرنے والوں کو ہٹا دیا گیا۔
مری: برفباری کے ساتھ لوٹ مار کا سلسلہ شروع، پارکنگ مافیا نے فیس 1800 روپے کردی
سلمان عبد اللہ مراد کا کہنا تھا کہ گاڑیاں دھونے والے چند افراد از خود فیس وصول کررہے تھے۔ کسی قبرستان کے باہر پارکنگ فیس سرکاری سطح پر وصول نہیں کی جارہی۔
انہوں نے مزید کہا کہ قبرستان آنے والوں سے انتظامیہ اور پولیس مکمل تعاون کررہی ہے۔ فیس وصول کرنے والوں کو فوری گرفتار کرنے کی ہدایت کی ہے۔
ہر قسم کے مافیا کی قوم کے ساتھ ملکر سرکوبی کریں گے، آرمی چیف
ڈپٹی میئر کراچی کی طرف سے یہ ہدایات شب برات کے موقع پر قبرستانوں کے باہر عوام سے پارکنگ فیس وصول کرنے کی اطلاعات سامنے آنے کے بعد جاری کی گئیں۔
خیال رہے کہ شہرِ کراچی میں پارکنگ مافیا بے لگام ہے۔ شاپنگ مالز، مارکیٹس اور بچت بازاروں کے باہر شہریوں سے پارکنگ فیس وصول کرنا عام ہوگیا ہے۔
