پاکستان کرکٹ ٹیم کے سابق کپتان اور بلے باز بابر اعظم بنگلہ دیش پریمیئر لیگ (بی پی ایل) میں شرکت کے لیے بنگلہ دیش پہنچ گئے۔
سماجی رابطے کی ویب سائٹ ایکس پر بی پی ایل کی فرنچائز رنگپور رائڈرز کے اکاؤنٹ سے بابر کے بنگلہ دیش پہنچنے کی تصویر شیئر کی گئی۔ بابر اعظم آج رنگپور رائڈرز اور سلہٹ اسٹرائکرز کے درمیان ہونے والے میچ میں ایکشن میں نظر آئیں گے۔
پاکستان کا اگلا پڑاؤ انگلینڈ، ٹی ٹوئنٹی سیریز کا آغاز مئی سے ہوگا
رنگپور رائڈرز میں موجود دیگر نامور کھلاڑیوں میں پروٹیز باؤلر عمران طاہر، پاکستانی باؤلر احسان اللہ، سلمان ارشاد اور بنگلہ دیشی کرکٹر شکیب الحسن موجود ہیں۔
Rangpur Riders just got a royal upgrade – The 👑 @babarazam258 has arrived‼️ Are you ready to see him conquer BPL 2️⃣4️⃣ in royal style❓ 🔥🤩 #Joyerlorai #rangpurriders #BPL24 #T20ICricket #bangladesh #bangladeshcricket #CricketRivalry #cricketfans #cricketfever #CricAction pic.twitter.com/W6nOZ8VP8g
— Rangpur Riders (@RangpurRider) January 23, 2024
اس سے قبل سابق کپتان بابر اعظم کی جانب سے انسٹاگرام پر پاکستان سے بنگلہ دیش کے سفر کی اسٹوری بھی شیئر کی گئی تھی۔
حال ہی میں دوسری شادی کرنے کے بعد خبروں کی زینت بننے والے پاکستانی کرکٹر شعیب ملک بھی بی پی ایل کا حصہ ہیں۔ فخر زمان، افتخار احمد، محمد رضوان، صائم ایوب اور محمد عامر بھی بنگلہ دیشی لیگ میں اپنا جلوہ دکھائیں گے۔