غزہ جنگ کے 100 روز مکمل ، اسرائیلی بمباری کے نتیجے میں مزید 135 فلسطینی شہید اور سینکڑوں زخمی ہو گئے۔ شہید فلسطینیوں کی تعداد 23 ہزار 700 جبکہ 60 ہزار سے زائد زخمی ہیں۔
عرب میڈیا کے مطابق رفح کراسنگ کے قریب گھر پر اسرائیلی حملے میں بھی دو سالہ بچی سمیت 14 فلسطینی شہید ہوئے۔ غزہ میں الاقصیٰ اسپتال کے قریب دھماکوں اور شدید جھڑپوں کی اطلاعات موصول ہوئی ہیں جبکہ الاقصیٰ اسپتال میں ایندھن ختم ہو گیا ہے۔
غزہ پر بمباری سے مزید 250 شہید ، رملہ میں خاتون فلسطینی سیاستدان گرفتار
عرب میڈیا کے مطابق غزہ میں صرف 6 ایمبولینسز قابل استعمال رہ گئی ہیں جبکہ انٹرنیٹ اور ٹیلی کام سروسز بھی ایک بار پھر معطل کر دی گئی ہیں۔
ادھرالقسام بریگیڈز نے اپنی بیان میں مغربی کنارے کے علاقے نور الشمس کیمپ میں اسرائیلی حملہ ناکام بنانے کا دعویٰ کیا ہے۔
غزہ کی سب سے خوفناک رات، اسرائیلی بمباری سے سینکڑوں فلسطینی شہید
دوسری جانب غزہ میں ’نسل کشی‘ کے 100 دن مکمل ہونے کے بعد دنیا بھر میں اسرائیلی مظالم کے خلاف احتجاج کیا گیا، امریکی دارالحکومت واشنگٹن میں ہزاروں افراد سڑکوں پر نکل آئے ، مظاہرین نے صدر بائیڈن سے جنگ بند کرنے کا مطالبہ کیا۔
لندن میں بھی سڑکیں فلسطین کے حامیوں سے بھر گئیں، فرانس کے شہر لیون میں اسرائیلی دہشتگردی کے خلاف آواز بلند کی گئی، جنوبی کوریا کے شہر سیول میں بھی مظاہرین احتجاج کے دوران اسرائیل کے خلاف نعرے بلند کرتے رہے۔
حماس کے راکٹ حملے ، 2 افسروں سمیت 10 اسرائیلی فوجی ہلاک ، 24 ٹینک تباہ
اس کےعلاوہ ملائیشیا، جنوبی افریقہ، برطانیہ اور انڈونیشیا کے ساتھ ساتھ تھائی لینڈ، جاپان، اٹلی، یونان اور پاکستان میں بھی لوگوں نے احتجاج کیا اور اسرائیل کیخلاف نعرے بازی کی۔
