اسلام آباد(ابوبکر خان ، ہم انوسٹی گیشن ٹیم)وزیر اعظم شہباز شریف کی قیادت میں پاکستان ڈیموکریٹک موومنٹ کی حکومت کی جانب سے نئی کاروں کی خریداری پر پابندی کے باوجود کیبنٹ ڈویژن نے پروٹوکول ڈیوٹی کے لیے 7 کروڑ 28 لاکھ 86 ہزار 600 روپے مالیت کی آٹھ لگژری گاڑیاں درآمد اور خریدنے کا انکشاف ہوا ہیں۔
دستاویز کے مطابق کابینہ ڈویژن نے گاڑیاں اپریل 2022 سے فروری 2023 کے درمیان میں خریدی ہیں۔ خیال رہے سابقہ وزیراعظم شہباز شریف نے ملکی معیشت کی خستہ حالی کو دیکھ کر کفایت شعاری پر زور دیا تھا اور نے نئی گاڑیاں خریدنے پر پابندی بھی عائد کی تھی۔
تاہم ابھی کابینہ ڈویژن کی جانب سے سینٹ میں جمع کرائے دستاویز میں انکشاف ہوا ہے کہ کابینہ ڈویژن نے بیرون ممالک سے آئے مہمانوں، وفد کے پروٹوکول کے لیے 7 کروڑ سے زائد مالیت کی 8 گاڑیاں خریدے گاڑیاں خریدی گئیں ہیں۔
ذرائع نے بتایا کہ کابینہ ڈویژن نے 15 نئی گاڑیاں خریدنے کی درخواست فنانس ڈویژن کو دی تھی، فنانس ڈویژن کی کفایت شعاری پر مبنی کمیٹی نے 8 نئی گاڑیاں خریدنے کی منظوری دی تھی۔
کابینہ ڈویژن نے 8 نئی خریدی جانے والی گاڑیوں کی تفصیلات کے مطابق 29 سیٹر وی آئی پی کوسٹر 1 کروڑ سے زائد رقم میں خریدی گئی، جبکہ 14 سیٹر ہائی روف وین 1 کروڑ 7 لاکھ سے زائد رقم میں خریدی گئی۔ اس کے علاوہ 1800 سی سی کی 6 گاڑیاں 4 کروڑ 49 لاکھ سے زائد رقم میں خریدی گئی۔
