کیلیفورنیا: میوزک اسٹریمنگ ملٹی نیشنل کمپنی “اسپاٹی فائے” نے دنیا بھر سے اپنے ایک ہزار 500 ملازمین کو ملازمت سے نکال دیا۔
غیر ملکی خبر رساں ایجنسی کے مطابق “اسپاٹی فائے” کمپنی نے اعلان کیا کہ ملازمت سے نکالنے جانے والے افراد 5 مہینے تک اپنی تنخواہیں اور مراعات حاصل کر سکیں گے۔
کمپنی کے چیف ایگزیکٹیو آفیسر (سی ای او) نے ملازمین کو لکھے خط میں کہا کہ کمپنی نے دنیا بھر سے اپنے 17 فیصد اسٹاف کو کم کرنے کا فیصلہ کیا ہے اور ملازمین کو نکالنے کا آغاز فوری طور پر شروع کر دیا گیا ہے۔
پہلے مرحلے میں کمپنی سے 600 ملازمین کو فارغ کیا جائے گا جبکہ ایک ہزار 500 ملازمین کو پورے سال میں فارغ کیا جائے گا۔
یہ بھی پڑھیں: فیس بک نے ہزاروں جعلی اکاؤنٹس ڈیلیٹ کر دیئے
کمپنی کے سی ای او نے ملازمین کے کام کی تعریف کی اس بات پر افسوس کا اظہار بھی کیا کہ ملازمین کو کمپنی سے فارغ کرنا پڑ رہا تھا تاہم ملازمین کو 5 ماہ تک تنخواہ اور دیگر تمام مراعات دی جائیں گی۔
انہوں ںے کہا کہ مالی اخراجات بڑھ جانے کی وجہ سے ملازمین کو فارغ کرنا پڑ رہا ہے۔
