بھارت میں ہونے والے انٹرنیشنل کرکٹ کونسل (آئی سی سی) ون ڈے ورلڈکپ میں شرکت کے بعد پاکستانی ٹیم کے کپتان بابر اعظم وطن واپس پہنچ گئے۔
آئی سی سی ون ڈے ورلڈکپ کے 13 ویں ایڈیشن میں شرکت کے بعد قومی ٹیم کے کھلاڑیوں کی وطن واپسی کا سلسلسہ جاری ہے۔ رات گئے کپتان بابر اعظم نجی ائیرلائن کی پرواز کے ذریعے دبئی سے واپس لاہور پہنچے۔
ورلڈ کپ سے باہر ہونے کے باوجود پاکستانی ٹیم کو کتنی رقم ملےگی؟تفصیلات سامنے آگئیں
پاکستان کرکٹ ٹیم منیجر اور کرکٹ بورڈ عملے کے دیگر ارکان بھی بابر اعظم کے ہمراہ لاہور ایئرپورٹ پہنچے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ جونہی کپتان بابر اعظم باہر آتے ہیں تو شائقین کی جانب سے پاکستان زندہ باد، بابر آئی لو یو اور کنگ بابر کے نعرے لگائے گئے۔
Warm welcome for the King Babar Azam at Airport ❤️ pic.twitter.com/Z2Ea1HLJKj
— SAAD 🇵🇰 (@SaadIrfan258) November 12, 2023
کپتان بابر اعظم کا استقبال کرنے انکے بھائی بھی لاہور ایئرپورٹ پہنچے تھے جن کے ساتھ بابر ایئرپورٹ سے اپنی گاڑی میں گھر روانہ ہوئے۔
خیال رہے کہ قومی ٹیم کے کھلاڑی اور اسٹاف دو حصوں میں بھارتی شہر کولکتہ سے وطن واپس روانہ ہوئے تھے۔ 11 ارکان پر مشتمل پہلا گروپ اتوار کی صبح جبکہ 22 ارکان پر مشتمل دوسرا گروپ تاخیر سے روانہ ہوا۔
