ایک ماہ کے دوران چینی اور آٹے کی قیمتوں میں نمایاں کمی ہوئی، اکتوبر میں مہنگائی میں 1.08 فیصد کا اضافہ ریکارڈ کیا گیا۔
ادارہ شماریات نے ماہانہ مہنگائی کے اعدادوشمار جاری کرتے ہوئے بتایا کہ رواں مالی سال کے پہلے 4 ماہ میں مہنگائی کی شرح 28.48 فیصد ہو گئی۔
ادارہ شماریات کے مطابق اکتوبر میں مہنگائی کی شرح 26.89 فیصد ریکارڈ کی گئی، شہری علاقوں میں مہنگائی کی شرح میں 1.07 فیصد کا اضافہ ہوا۔
سیمنٹ کی قیمتوں میں اضافے کے ساتھ فروخت میں بھی اضافہ
دیہی علاقوں میں اکتوبر میں مہنگائی کی شرح میں 1.10 فیصد کا اضافہ، ادارہ شماریات کے مطابق ایک ماہ میں پیاز کی قیمت میں 38.71 فیصد کا اضافہ ہوا۔
ایک ماہ میں تازہ سبزیوں کی قیمتیں 17.74 فیصد بڑھیں، ایک ماہ میں پھل 6.49 فیصد اورانڈے 6.05 فیصد مہنگے ہوئے۔
ایک ماہ میں آلو کی قیمت 3.72 فیصد اور مچھلی کی قیمت میں 3 فیصد اضافہ ہوا، ادارہ شماریات کی رپورٹ کے مطابق ایک ماہ میں چینی کی قیمت میں 10.23 فیصد کی نمایاں کمی ریکارڈکی گئی۔
ایک ماہ ٹماٹر 3.11 فیصد اور دال مونگ 2.05 فیصد سستی ہوئی جبکہ ایک ماہ کے دوران آٹا 1.87 فیصد اور تازہ دودھ 1.73 فیصد سستا ہوا۔
