پاکستان تحریک انصاف کے سینیئر رہنما اور سابق وفاقی وزیر اسد عمر نے کہا ہے کہ مجھے استحکام پاکستان پارٹی (آئی پی پی) میں شمولیت کی دعوت دی گئی تھی لیکن میں تحریک انصاف کے ساتھ ہوں۔
انسدادِ دہشت گردی عدالت کے باہر میڈیا سے گفتگو کرتے ہوئے انہوں نے کہا کہ مجھے پہلے بھی پارٹی کی طرف سے دعوت دی گئی تھی، میں پی ٹی آئی کے ساتھ ہی ہوں۔
اسد عمر نے استحکام پاکستان پارٹی کیلئے نیک خواہشات کا اظہار کرتے ہوئے کہا کہ ‘انکی سیاست میں انہیں بیسٹ آف لک۔’
مجھے استحکام پاکستان پارٹی میں شمولیت کی دعوت دی گئی تھی لیکن میں تحریک انصاف کے ساتھ ہوں، اسد عمر pic.twitter.com/lmC6r0mfWW
— Khurram Iqbal (@khurram143) October 31, 2023
انسدادِ دہشت گردی عدالت لاہور میں نو مئی واقعات پر درج مقدمات میں اسد عمر اور چیئرمین پی ٹی آئی کی دونوں بہنوں علیمہ خان اور عظمی خان کی عبوری ضمانتوں پر سماعت ہوئی۔
عدالت نے تمام ملزمان کو شامل تفتیش ہونے کا حکم دے دیا، عدالت نے اسد عمر سمیت دیگر ملزمان کی ضمانتوں میں 22 نومبر تک توسیع کردی۔
