نیویارک: کینیڈا کے وزیر اعظم جسٹن ٹروڈو نے کہا ہے کہ کینیڈا بھارت کو اشتعال دلا رہا ہے نہ مسائل پیدا کر رہا ہے بلکہ یہ معاملہ قانون کی حکمرانی کا ہے۔
کینیڈا کے وزیر اعظم جسٹن ٹروڈو نے نیویارک میں میڈیا سے گفتگو کرتے ہوئے کہا کہ ایک کینیڈین شہری کو کینیڈا کی سرزمین پر قتل کیا گیا اور ہمارے پاس بھارتی حکومت کے ایجنٹس کے قتل میں ملوث ہونے کے ٹھوس شواہد موجود ہیں۔
انہوں نے کہا کہ کسی بھی ملک کے لیے قانون کی حکمرانی انتہائی اور بنیادی اہمیت کی حامل ہوتی ہے جبکہ کینیڈا میں انصاف کا نظام بہترین اور آزادانہ کام کرتا ہے جس کے تحت کیس کو فالو کریں گے۔
یہ بھی پڑھیں: انتہا پسند ہندوؤں کی سنگین دھمکیاں، کینیڈین ہائی کمیشن کا تھریٹ الرٹ جاری
جسٹن ٹروڈو نے کہا اندرون یا بیرون ملک کینیڈین شہریوں کی حفاظت کو انتہائی سنجیدگی سے لیتے ہیں اور یقینی بنائیں گے کہ کینیڈین نظام کا احترام کیا جائے۔
انہوں نے کہا کہ سکھ علیحدگی پسند رہنما کا قتل سنگین معاملہ ہے اور اس معاملے کو سنجیدگی سے لیا جانا چاہیے اور ہم یہی کر رہے ہیں۔
