معروف اداکارہ و ماڈل عائشہ عمر نے کہا ہے کہ ہمارے ہاں فلم میں آئٹم کا ہمیشہ غلط مطلب لیا جاتا ہے، ہمارے لوگ اپنی فلموں میں آئٹم سانگ کو تنقید جبکہ انڈین فلموں کے آئٹم سونگ کو خوب پسند کرتے ہیں۔
ایک انٹرویو میں عائشہ عمر نے کہا کہ ہمارے ہاں آئٹم سانگ کا مطلب غلط لیا جاتا ہے ایسے گانوں پر پرفارمنس کرنے والی بھارتی اداکاروں کی تعریفیں اور پاکستانی اداکاراؤں پر تنقید کی جاتی ہے۔
اداکارہ نے کہا کہ ماضی میں بھی پاکستانی گانوں میں بابرہ شریف اور ریشم جیسی اداکارائیں آئٹم سانگس پر پرفارمنس کرتی تھیں اور شائقین ان پر تنقید کیے بغیر ان کے رقص سے محظوظ ہوا کرتے تھے۔
عائشہ عمر کے مطابق اب آئٹم سانگ کا مطلب غلط لیا جاتا ہے اس کا نام سنتے ہی لوگوں کے ذہن میں عریانیت اور بولڈ لباس میں ڈانس کرتی خواتین آجاتی ہیں مگر ایسا نہیں ہے ایسے گانوں میں شامل رقص کو عریانیت سے جوڑنا غلط ہے۔
