ایس ای سی پی کی جانب سے عوام کو ایک بار پھر متنبہ کیا گیا ہے کہ وہ جعلی اور غیر قانونی سکیموں میں سرمایہ کاری سے پر ہیز کریں۔
تفصیلات کے مطابق ایس ای سی پی کے نوٹس میں آیا ہے کہ اے اے انٹر پرائزیز اینڈ انویسٹمنٹ، اے اے انٹر پرائزیز اور انیس احمد انٹر پرائز (سنگل ممبر) پرائیویٹ لمیٹڈ نامی کمپنیاں عوام کو غیر قانونی اور سرمایہ کاری کی جعلی سکیموں میں سرمایہ کاری کی ترغیب دے کر رقوم، سرمایہ اکٹھا کر رہی ہیں۔
ایس ای سی پی نے کہا ہے کہ مذکورہ کمپنیاں اپنی رجسٹریشن کی حیثیت کو عوامی اعتماد حاصل کرنے کے لیے استعمال کرتے ہوئے غلط تاثر دے رہی ہیں۔
جعلی اور غیر قانونی سکیموں میں سرمایہ کاری سے پر ہیز کریں کیونکہ ایسی جعلی سکیمیں عوام کو قیمتی سرمائے سے محروم کر سکتی ہیں۔