ایلون مسک نے ٹوئٹر کا نام تبدیل کرنے کا اشارہ دے دیا

ایلون مسک

ٹوئٹر اور ٹیکنالوجی کمپنی ٹیسلا کے سی ای او ایلون مسک نے ٹوئٹر کا نام اور لوگو تبدیل کرنے کا اشارہ دے دیا۔

سماجی رابطے کی ویب سائٹ ٹوئٹر پر جاری کردہ ٹویٹ میں انہوں نے صارفین سے نئے ٹوئٹر لوگو سے متعلق رائے طلب کی ۔ ٹویٹ کے جواب میں صارفین کی طرف سے  مخلتف لوگوز بھیجنے کا سلسلہ جاری ہے۔

ایلون مسک کا اپنی ٹویٹ میں کہنا تھا کہ ‘اگر آج رات ایک اچھا ایکس لوگو پوسٹ کردیا جاتا ہے تو ہم کل دنیا بھر میں لائیو ہوجائیں گے۔’

ایلون مسک نے مصنوعی ذہانت کی نئی کمپنی بنانے کا اعلان کردیا

ٹوئٹر کے مالک نے مزید لکھا کہ ‘جلد ہی ہم ٹویٹر برانڈ کو الوداع کہہ دیں گے اور آہستہ آہستہ تمام پرندوں کو بھی الوداع کہہ دیں گے۔’

اس حوالے سے ایلون مسک نے ٹوئٹر پر ایک صارف کی طرف سے بھیجے گئے لوگو کو شیئر کیا۔ اس پوسٹ کے مطابق ٹوئٹر کا نیا لوگو ‘ایکس’ کے نشان کی مانند ہے۔

خیال رہے کہ اس سے قبل بھی ایلون مسک کی جانب سے کیے جانے والے بڑے فیصلے نے ٹوئٹر صارفین کو حیرت میں مبتلا کردیا تھا۔ ایلون مسک نے ٹوئٹر کے لوگو کو ڈوج یعنی کتے کی تصویر سے بدل دیا تھا۔


متعلقہ خبریں