ایک طرف ملک شدید مالی بحران کی زد میں ہے دوسری جانب پنجاب حکومت نے تمام اسسٹنٹ کمشنرز، ایڈیشنل ڈپٹی کمشنرز اورایڈیشنل کمشنرز کو نئی گاڑیاں خرید کر دینے کا فیصلہ کیا ہے۔
محکمہ خزانہ نے نئی گاڑیوں کی خریداری کے لیے 3 ارب 20 کروڑ روپے کی منظوری کا نوٹیفکیشن جاری کیا ہے۔
20 جولائی کو جاری کردہ نوٹیفکیشن میں کہا گیا ہے کہ ہر اسسٹنٹ کمشنر کو نئی فور بائی فور ڈبل کیبن مینوئل ٹرانسمیشن گاڑی، ایڈیشنل ڈپٹی کمشنرز (جنرل) کو نئی 13 سو سی سی گاڑی ، جبکہ ہر ڈویژن کے ایڈیشنل کمشنرز کو 16 سو سی سی کار دی جائے گی۔
نوٹیفکیشن میں کہا گیا ہے کہ جو گاڑیاں اس وقت اسسٹنٹ کمشنرز کے زیر استعمال ہیں وہ تحصیلداروں کو الاٹ کی جائیں گی۔
