عیدالاضحیٰ کی تعطیلات ختم ہوتے ہی خیبرپختونخوا میں طویل لوڈشیڈنگ کا آغاز ہوگیا، شہری کئی گھنٹے بجلی بندش سے بِلبلا اٹھے۔
تفصیلات کے مطابق پشاور کے مضافاتی علاقوں میں 16 سے 18 گھنٹے تک لوڈ شیڈنگ کا سلسلہ جاری ہے۔ پشاور کے شہری علاقوں میں بجلی لوڈ شیڈنگ کا دورانیہ 10 گھنٹے سے تجاوز کرگیا۔
خیبر پختونخوا، عید کی چھٹیوں پر زیادہ تر سیاحوں نے گلیات کا رخ کیا
ترجمان پیسکو کا اس حوالے سے کہنا تھا کہ خیبرپختونخوا میں بجلی کی طلب 3 ہزار 468 اور سپلائی 2250 میگا واٹ ہے۔ لائن لاسسز والے علاقوں میں معمول کے مطابق لوڈشیڈنگ کی جارہی ہے۔
ترجمان پیسکو کے مطابق گرمی کی شدت سے بجلی کی ڈیمانڈ میں اضافہ ہو جاتا ہے۔ ڈیمانڈ اور سپلائی میں واضح فرق ہونے کی وجہ سے لوڈ مینجمنٹ کی جاتی ہے۔ ساتھ ہی بجلی چوری اور بجلی کا غیر ضروری استعمال لوڈشیڈنگ میں اضافے کا باعث بنتے ہیں۔
کوئٹہ، نمازِ عید کے دوران سنگین مقدمات میں مطلوب درجن سے زائد قیدی فرار
دوسری طرف کراچی میں بھی بجلی کا بحران شدت اختیار کرگیا، کئی علاقوں میں لوڈشیڈنگ کا دورانیہ 12 گھنٹے سے تجاوز کرگیا۔ عوام نے طویل لوڈشیڈنگ کے خلاف کے الیکٹرک کے دفتر کے باہر احتجاج کیا۔
مظاہرین کا کہنا تھا کہ عید الاضحیٰ کے دوران بھی بجلی غائب رہی، مسلسل لوڈ شیڈنگ کی جارہی ہے۔
