بیجنگ: شمال مغربی چین کے ایک ریسٹورنٹ میں گیس سلنڈر دھماکے میں 31 افراد ہلاک ہو گئے۔
غیر ملکی خبر رساں ایجنسی کے مطابق نینگشیا ہوئی کے شہر ینچوان کے ایک باربی کیو ریسٹورنٹ میں گیس لیکج کی وجہ سے دھماکہ ہوا۔ دھماکہ میں 7 افراد زخمی ہوئے جنہیں قریبی اسپتال میں منتقل کر دیا گیا۔
دھماکے بعد ہوٹل کی عمارت میں آگ لگ گئی۔ کئی افراد جھلس کر ہلاک اور زخمی ہوئے جبکہ کچھ افراد شیشے کے ٹکڑے لگنے سے بھی زخمی ہوئے۔ مقامی وقت کے مطابق دھماکہ ساڑھے آٹھ بجے کے قریب ہوا جب ریسٹورنٹ میں لوگوں کا رش تھا۔
یہ بھی پڑھیں: پیرس میں دھماکہ، 30 افراد زخمی
زوردار دھماکے کی وجہ سے قریبی عمارتوں کے شیشے ٹوٹ گئے۔ ریسکیو اہلکاروں نے فوری پہنچ کر عمارت میں لگی آگ کو بجھایا جبکہ زخمیوں اور لاشوں کو اسپتال منتقل کیا گیا۔
