جنوبی وزیرستان: خیبر پختونخوا کے علاقے جنوبی وزیرستان میں باردوی سرنگوں کے دھماکے میں 2 بچیاں جاں بحق ہو گئیں۔
پولیس کے مطابق بارودی سرنگوں کو دھماکہ جنوبی وزیرستان کے علاقے توندہ درہ میں پیش آیا۔ جاں بحق ہونے والی دونوں بچیاں بہنیں تھیں۔
جاں بحق ہونے والی دونوں بہنیں مقامی شخص جنان خان کی بیٹیاں تھیں۔ جن کی عمریں 8 اور 15 سال تھی۔
یہ بھی پڑھیں: سربند اچینی چیک پوسٹ پر دہشتگردوں کا حملہ
پولیس کے مطابق زوردار دھماکے کی آواز سن کر مقامی لوگ جائے وقوعہ پر پہنچے تو لڑکیاں کو شدید زخمی حالت میں پایا جنہیں فوری طور پر اسپتال منتقل کیا گیا تاہم وہ جاں بحق ہو گئیں۔
جاں بحق ہونے والی بچیوں کا باپ جنان خان ایک چرواہا ہے اور مال مویشی کا کاروبار کرتا ہے۔
