پاکستانیوں کی اپنائیت پر آنکھوں میں آنسو آجاتے تھے، وریندر سہواگ

sehwag

ورلڈ کپ وریندر سہواگ نے بھارتی پچز پر نیا پنڈورا باکس کھول دیا


بھارت کے سابق معروف کرکٹر پاکستانیوں کی مہمان نوازی کے معترف نکلے۔

سماجی رابطے کی سائٹ ٹوئٹر پر سابق بھارتی کرکٹر وریندر سہواگ کے انٹرویو کا ایک کلپ وائرل ہے جس میں ان کا کہنا تھا کہ پاکستانیوں کی اپنائیت پر آنکھوں میں آنسو آجاتے تھے۔

ان کا کہنا تھا پاکستان کے دورے کے دوران جب بھی شاپنگ کی دکانداروں نے پیسے نہیں لئے۔

انہوں نے بتایا کہ 2004 میں لاہور میں اپنے گھر والوں کے لیے 30،35 سوٹ لیے، جب دکاندار کو پتا چلا کہ بھارت سے آیا ہوں تو انہوں نے کہاکہ آپ تو مہمان ہو آپ سے پیسے کیسے لے سکتے ہیں ہم۔

وریندر سہواگ کا کہنا تھا کہ پاکستان اور بھارت دو بھائی ہیں جو الگ الگ ہیں، سابق کرکٹر کا کہنا تھا کہ دورہ پاکستان میں ہم جہاں جہاں گئے بہت پیار ملا، لوگوں کی باتیں سن کر جذباتی ہوجاتے تھے اور آنکھوں میں آنسو آ جاتے تھے۔


متعلقہ خبریں