پاکستان میڈیکل اینڈ ڈینٹل کونسل نے فیصلہ کیا ہے کہ ملک بھر کے میڈیکل کالجز کے داخلہ ٹیسٹ 27 اگست کو پرانے نصاب کے مطابق ہی ہوں گے۔
نجی ٹی وی چینل سما کے مطابق پاکستان میڈیکل اینڈ ڈینٹل کونسل کا اجلاس صدر ڈاکٹر رضوان تاج کی زیر صدارت ہوا ، جس میں فیصلہ کیا گیاکہ ملک بھر کے میڈیکل کالجز کے داخلہ ٹیسٹ27 اگست کو پرانے نصاب کے مطابق ہی کرائے جائیں گے۔
ترجمان پی ایم ڈی سی نےوضاحت کی کہ ایم ڈی کیٹ امتحان پرانے نصاب کے مطابق ہی لیا جائے گااور نصاب میں کوئی تبدیلی نہیں گئی۔
ترجمان نے بتایا کہ کونسل کی جانب سے تمام صوبائی سیکریٹریز کو امتحان کے انتظامات کرنے کی ہدایت کی گئی ہے،رواں سال ایم ڈی کیٹ امتحان میں 2 لاکھ 10 ہزار طلبا کی شرکت متوقع ہے۔