ملک بھر میں مئی اور جون کے مہینے میں ہونے والی غیر معمولی بارشوں اور ژالہ باری سے جہاں شہری خوب لطف اٹھا رہے ہیں وہیں آم کے کاشتکار اس صورتحال سے کافی پریشان ہیں۔
بی بی سی اردو کی رپورٹ کے مطابق ملتان میں آم کے کاشتکاروں کا اس حوالے سے کہنا ہے کہ شمالی پنجاب میں 45 اور 46 ڈگری سینٹی گریڈ درجہ حرارت آم کی فصل کیلئے بہترین ہوتا ہے۔ گرمی کی شدت میں اضافے کی وجہ سے آم میں مٹھاس پیدا ہوتی ہے۔
مری، گلیات اور گردونواح میں بارش،ژالہ باری کا امکان، محکمہ موسمیات
آم کے کاشتکاروں نے خدشہ ظاہر کرتے ہوئے کہا ہے کہ اب موسم سرما کی فصلوں کی ساری امیدیں جون کے مہینے سے وابستہ ہیں۔ اگر جون میں بھی اپریل اور مئی والی صورتحال رہتی ہے تو پھر ان فصلوں کا خدا ہی حافظ ہے۔
چیف میٹرولوجسٹ محکمہ موسمیات سردار سرفراز نے موجودہ موسمی صورتحال کے حوالے سے بتایا ہے کہ رواں سال مئی میں 3 بارشوں کے سلسلے ریکارڈ کیے گئے ہیں۔ 1987 کے بعد سے مئی کے مہینے میں اوسط سے زیادہ بارشیں ریکارڈ کی گئیں۔
پنجاب سمیت ملک کے مختلف علاقوں میں بارشوں کا نیا سسٹم داخل
محکمہ موسمیات کے مطابق رواں ماہ جون میں اوسط سے زیادہ گرمی کی توقع، ملک کے کسی علاقے میں بھی نہیں ہے۔ جون کے پہلے کچھ دنوں کے علاوہ موسم معمول کے مطابق رہے گا۔
