چیئرمین تحریک انصاف و سابق وزیراعظم عمران خان کو پارٹی چیئرمین شپ سے ہٹانے کیلئے لاہور ہائیکورٹ میں درخواستیں دائر کر دی گئیں۔
عدالت نے درخواستیں چیف جسٹس لاہور ہائیکورٹ کو بھجوا دی ہیں، عدالت کا کہنا تھاکہ درخواستوں کو سماعت کیلئے فل بینچ کے روبرو پیش کیا جائے۔
عمران خان کی گرفتاری کے خلاف اپیل، سپریم کورٹ میں سماعت مقرر
جسٹس رضا قریشی نے ایک نوعیت کی دو درخواستوں پر سماعت حکم سنایا، عدالت کاکہنا تھا کہ اسی نوعیت کے معاملے پر لاہور ہائیکورٹ کا 5 رکنی فل بینچ سماعت کر رہا ہے،مناسب ہے درخواستوں کو اُسی بینچ میں کارروائی کیلئے پیش کیا جائے۔
درخواستوں میں عدالت سے استدعا کی گئی کہ عمران خان کی توشہ خانہ میں نااہلی کے بعد انہیں پارٹی کی چیئرمین شپ سے ہٹایا جائے۔
