نیویارک: سماجی رابطے کی ویب سائٹ ٹوئٹر کے مالک ایلون مسک نے بلیو ٹک ختم کرنے کی حتمی تاریخی دے دی۔
ایلون مسک نے سماجی رابطے کی ویب سائٹ ٹوئٹر پر بلیو ٹک ختم کرنے کی تاریخ کا اعلان کیا۔ انہوں نے لکھا کہ بلیو ٹک کی ماہانہ فیس نہ دینے والے صارفین کے اکاؤنٹس رواں ماہ 20 تاریخ کو ختم کردیئے جائیں گے۔
Final date for removing legacy Blue checks is 4/20
— Elon Musk (@elonmusk) April 11, 2023
واضح رہے کہ ایلون مسک نے ٹوئٹر کا مالک بننے کے بعد اعلان کیا تھا کہ اب ٹوئٹر کے رجسٹرڈ اکاؤنٹس کی فیس وصول کی جائے گی جو ماہانہ 8 ڈالر ہو گی جو پاکستانی 2 ہزار 300 روپے سے زائد بنتی ہے۔
ماہانہ فیس کی ادائیگی نہ کرنے پر ٹوئٹر کی جانب سے کئی بڑے اکاؤنٹس کے بلیو ٹک ختم کیے گئے جنہیں فیس کے ادائیگی کے بعد بحال کیا گیا۔
