پوپ فرانسس نے قیدی لڑکوں کے پاؤں دھوئے اور بوسہ کیوں دیا؟


روم: مسیحی برادری کے روحانی پیشوا پوپ فرانسس نے رسم میں قیدی لڑکوں کے پاؤں دھوئے اور انہیں بوسہ دیا۔

غیر ملکی خبر رساں ایجنسی کے مطابق مسیحی برادری کے روحانی پیشوا پوپ فرانسس اٹلی کی ایک جیل میں پہنچے جہاں انہوں نے ایک رسم ادا کی۔ پوپ فرانسس نے عاجزی کی علامت کی رسم میں 12 نوجوان قیدیوں کے پاؤں دھوئے، خشک کیے اور پھر انہیں بوسہ دیا۔

پوپ فرانسس پہلے پوپ ہیں جنہوں نے خواتین اور غیر کیتھولک کو پاؤں دھونے کی اس روایت میں پہلی دفعہ شامل کیا۔ اس میں ایک قیدی سینیگال سے تعلق رکھنے والا مسلمان اور 2 خواتین شامل تھیں۔

یہ رسم “ہولی تھرس ڈے” کے نام سے منائی جاتی ہے جس میں قیدیوں کے پیر چومنے کی روایت ہے۔ یہ مسیحی برادری کی ایک رسم ہے جسے وہ وہ حضرت عیسیٰ علیہ السلام کی اپنے قیدی ساتھیوں کے ساتھ گزاری آخری شام کے واقعے سے منسوب کرتے ہیں۔


متعلقہ خبریں