پشاور: صوبہ خیبرپختوانخوا میں رمضان المبارک کا چاند دیکھنے کے لیے منعقد ہونے والے رویت ہلال کمیٹی کے اجلاس کے دوران پرتکلف کھانوں کے لیے جاری کیا جانے والا نو ٹی فکیشن واپس لے لیا گیا۔
مہنگائی سے تنگ باپ نے 4 سالہ بیٹی سمیت نہر میں چھلانگ لگا دی
پرتکلف کھانوں کے لیے جاری کیا جانے والا نو ٹی فکیشن اس وقت واپس لیا گیا جب اس حوالے سے سماجی رابطوں کی ویب سائٹس پر صارفین کی جانب سے شدید ردعمل سامنے آیا۔
ویب سائٹ کے مطابق صوبائی محکمہ اوقاف کی جانب سے 22 مارچ کو بلائے جانے والے اجلاس کے لیے 100 وی آئی پی اور 100 عام افراد کے لیے پرتکلف کھانوں کا آرڈر دیا گیا تھا۔
وی آئی پی افراد کے لیے جن کھانوں کا آرڈر دیا گیا تھا ان میں دم پخت، بیف والے نارنجی چاول، مکس سبزی، چکن تکہ بوٹی، نان، سیخ کباب، رشین سلاد، تازہ سلاد، حلوہ، منرل واٹر اور کولڈ ڈرنکس شامل تھے۔
بجلی کی قیمت میں 14 روپے فی یونٹ کا بڑا اضافہ
رویت ہلال کمیٹی کے منعقد ہونے والے اجلاس میں شریک عام افراد کے لیے بھی جن کھانوں کا آرڈر جاری ہوا تھا ان میں بیف والے نارنجی چاول، چکن کری، مکس سبزی، حلوہ، نان اور کولڈ ڈرنکس شامل کیے گئے تھے۔
دلچسپ امر ہے کہ اسی اجلاس کے استقبالیہ کے لیے بلیک ٹی، پیسٹری، پیٹیز، سینڈوچ اور بسکٹ بھی منگوائے جانے تھے۔
اردو نیوز کے مطابق نوٹیفیکیشن کے منظر عام پر آنے کے بعد خیبر پختونخوا کی صوبائی وزارت مذہبی امور کی جانب سے نوٹیفیکیشن کو فوری طور پر واپس لینے کا حکم دے دیا گیا ہے جب کہ متعلقہ وزیر نے ٹینڈر نوٹس کو فوری طور پر واپس لینے کا حکم دیتے ہوئے آئندہ 12 گھنٹوں میں رپورٹ بھی طلب کر لی ہے۔
مہنگائی کے ذمہ دار پی ڈی ایم، اکثریت عمران خان کیساتھ، پاکستانی نئی سیاسی جماعت کےبھی منتظر
واضح رہے کہ سوشل میڈیا صارفین کی جانب سے جاری کردہ نوٹی فکیشن پر سخت ردعمل بھی سامنے آرہا ہے اور ناراضگی بھرے تبصروں کا سلسلہ جاری ہے۔
Wah wah – kya baat hai KP Ruet e Hilal Committee ki pic.twitter.com/CLov9IWlaj
— omar r quraishi (@omar_quraishi) March 10, 2023
سوشل میڈیا صارف اور صحافی عمر قریشی نے اس حوالے سے سماجی رابطوں کی ویب سائٹ پر جاری کردہ ٹوئٹ پیغام میں لکھا ہے کہ واہ واہ، کیا بات ہے خیبرپختونخوا کی رویت ہلال کمیٹی کی؟
Power of social media. Govt of #KP has withdrawn the tender for lavish dinner for Ruet-e-Hilal committee meeting in #Peshawar to sight Ramadan Moon. pic.twitter.com/8uhJEmH6oo
— Furqan T. Siddiqui (@furqantsiddiqui) March 10, 2023
سوشل میڈیا صارف فرقان صدیقی نے اسی ضمن میں لکھا ہے کہ یہ ہے سوشل میڈیا کی طاقت، خیبرپختونخوا کی حکومت نے رویت ہلال کمیٹی کے اجلاس میں پرتکلف عشائیے کا ٹینڈر واپس لے لیا ہے۔
رمضان سے قبل ہی گھی کے بعد چینی بھی مہنگی کر دی گئی
واضح رہے کہ چاند دیکھنے کے لیے منعقد ہونے والے شرکائے اجلاس کی خاطر مدارت کے لیے پر تکلف کھانوں کا آرڈر ایک ایسے وقت میں دیا گیا تھا کہ جب بڑھتی ہوئی مہنگائی و غربت نے عوام کو شدید پریشانی و تکلیف میں مبتلا کر رکھا ہے اور ان کے لیے دال روٹی کا حصول بھی جوئے شیر لانے کے مترادف بن چکا ہے۔
