نئی دہلی: وطن کی خاطر قربانی دینے والے افراد کے اہلخانہ پربھارتی پولیس کی جانب سے بدترین تشدد کا نشانہ بنایا گیا۔
بھارتی میڈیا کے مطابق بھارتی حکومت کی جانب سے وطن کی خاطر جان دینے والوں کے اہلخانہ کو سڑکوں پر خوار کرایا جا رہا ہے۔ پلوامہ میں مرنے والے بھارتیوں کے خاندانوں، بیواؤں پر پولیس کی جانب سے تشدد کیا گیا۔
پلوامہ حملے میں مرنے والے جوانوں کی بیواؤں سے گئے وعدوں کی تکمیل نہ ہونے پر حکومت کے خلاف جے پور میں احتجاج جاری ہے۔ بیواؤں کی طرف سے مُودی سرکار کو جان سوزی کی دھمکی بھی دی گئی۔
یہ بھی پڑھیں: امیر ممالک غریب ملکوں کو تنگ کر رہے ہیں ؟ اقوام متحدہ کا انکشاف
واضح رہے کہ راجستھان کے شہر جے پور میں ملک کے لیے قربانی دینے والے اہلکاروں کی بیواؤں کا احتجاج گزشتہ 5 روز سے جاری ہے۔ مودی سرکار نے پلوامہ حملے میں مارے جانے والے اہلکاروں کے لواحقین کے لیے نقد رقوم، سرکاریاں نوکریاں اور گھر دینے کا اعلان کیا گیا۔
