پی ایس ایل کی سیکیورٹی کیلئے نصب کیمرے چوری


لاہور: پاکستان سپر لیگ (پی ایس ایل) سیزن 8 کی سیکیورٹی کے لیے نصب کیے گئے کیمرے چوری ہو گئے۔

پی ایس ایل سیزن 8 کی سیکیورٹی کے لیے لگائے گئے کیمرے قذافی اسٹیڈیم سے چوری ہوئے جن کے مقدمات درج کر لیے گئے۔

درج کیے گئے مقدمات کے متن کے مطابق نامعلوم چور قذافی اسٹیڈیم سے لاکھوں روپے مالیت کے 8 کیمرے لے اڑے جبکہ چوروں نے قذافی اسٹیڈیم کے اطراف میں بچھائی گئی فائبر کیبل بھی چوری کر لی۔

قذافی اسٹیڈیم میں روشنی کے لیے لگائے گئے جنریٹرز کی بیٹریاں بھی غائب ہو گئیں۔

یہ بھی پڑھیں: پی ایس ایل 8، وسیم اکرم کے غصہ کی وجہ عامر سہیل نے بتا دی

واضح رہے کہ کیمروں کی مانیٹرنگ کے لیے خصوصی کنٹرول روم تشکیل دیا گیا تھا۔ تھانہ گلبرگ میں چوروں کے خلاف 2 مقدمات درج کر لیے گئے۔


متعلقہ خبریں