لاہور: انجمن تاجران لاہور نے مارکیٹوں کو جلد بند کرنے کے فیصلے کو مسترد کر دیا۔
انجمن تاجران لاہور نے مارکیٹوں کو جلد بند کرنے کے فیصلے کو مسترد کرتے ہوئے کہا کہ مارکیٹوں کو جلد بند کرنا تاجروں کا معاشی قتل ہو گا اور ہم کسی صورت تاجروں کا معاشی قتل نہیں ہونے دیں گے۔
انجمن تاجران لاہور کے قائم مقام صدر نے کہا کہ حکومت تاجروں کو اعتماد میں لیے بغیر ایسا کوئی فیصلہ نہ کرے۔
یہ بھی پڑھیں: پنجاب میں سرکاری محکموں کیلئے نئی گاڑیاں خریدنے پر پابندی عائد
واضح رہے کہ حکومت نے اسموگ پر قابو پانے کے لیے دکانیں رات 10 بجے بند کرنے اور اتوار کو کاروبار مکمل بند رکھنے کا فیصلہ کیا تھا جس پر تاجروں نے اپنے تحفظات کا اظہار کرتے ہوئے کہا تھا کہ نوکری پیشہ افراد چھٹی کے روز خریداری کرتے ہیں اس لیے اتوار کو کاروبار بند رکھنے کی پابندی نہیں ہونی چاہیے ۔
