اسلام آباد: پاکستان تحریک انصاف کے ممکنہ لانگ مارچ سے نمٹنے کے لیے وفاقی دارالحکومت اسلام آباد کی پولیس نے تیاریاں شروع کردی ہیں۔
ہم نیوز نے یہ بات ذمہ دار ذرائع سے بتائی ہے۔ ذرائع کے مطابق صوبوں سے پولیس، رینجرز اور ایف سی کے 30 ہزار اہلکار طلب کر لیے گئے ہیں۔
ذمہ دار ذرائع کے مطابق صوبہ پنجاب سے 20 ہزار، صوبہ خیبر پختونخواسے 4 ہزار اور 6 ہزارنفری رینجرز کی بھی مانگی گئی ہے۔
آج بھی کسی نہ کسی جگہ سے عمران خان کے سر پر ہاتھ ہے، جاوید لطیف
اس ضمن میں ہم نیوز کو ذرائع نے بتایا ہے کہ وفاقی دارالحکومت اسلام آباد میں پولیس، ایف سی اور رینجرز کی نفری تعینات کرنے کے علاوہ سینکڑوں کنٹینرز بھی لگائے جائیں گے اور شہر کے داخلی راستوں پر خندقیں بھی کھودی جائیں گی۔
ذرائع کے مطابق اضافی آنسو گیس کے شیل اور آنسو گیس پھینکنے والے ڈرونز بھی منگوائے گئے ہیں جب کہ ایف سی کے تین ہزار اہلکار اسلام آباد بھی پہنچ گئے ہیں۔
ہم نیوز نے اس حوالے سے ذرائع سے بتایا ہے کہ صوبہ پنجاب اور صوبہ خیبرپختونخوا نے تاحال اسلام آباد کے لیے نفری دینے کا فیصلہ نہیں کیا ہے۔